SUPERBALITA DAVAO

Militar gipindotan; BIFF napatyan og 3

Hulagway gikan sa 6th ID PA

COTABATO CITY -- Padayon ang paglutos sa Joint Task Force Central, ang grupo sa Bangsamoro Islamic Freedom Fighters (BIFF)-Karialan faction, human ma-engkuwentro alas 4 sa kaadlawon, Dominggo, Hunyo 20.

Atol sa maong engkuwentro, tulo ka mga giingong terorista ang napatay samtang laing upat ang naangol.

Mga napatay ug nasamdan giingong mga sakop ni Kumander Muslimin Amilil sa BIFF-Karialan faction.

Nahitabo ang engkuwentro sa dihang nakadawat og impormasyon ang JTFC gikan sa mga sibilyan bahin sa presensiya sa nahisgutang grupo sa Barangay Linantangan, Shariff Saydona Mustapha, Maguindanao Province.

Sumala ni 6th Infantry (Kampilan) Division Chief ug JTFC Commander Major/General Juvymax Uy, daling miresponde ang mga militar apan gipabuthan sila sa grupo ni Kumander Amilil, hinungdan nga nahitabo ang bahug-bahog sulod sa 45 minutos, una miatras ang mga BIFF.

Narekober sa mga napatay nga terorista ang tulo ka kalibre .45 nga pistola, 2 ka improvised explosive device, mga sling bag nga dunay sulod nga shabu, mga bala, magazines, cellphones, kuwarta ug mga personal nga kagamitan. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph