SUPERBALITA DAVAO

Registration sa bakuna nagyagaw

SunStar File

GIANGKON sa usa ka opisyal sa Davao City Covid-19 Vaccination Program nga dunay mga suliran sa pagpahibawo sa mga "vaccinees" sa ilang mga eskedyul.

Si Covid-19 Vaccination Program Head Dr. Josephine Villafuerte nagsulti sa interbyu sa radyo niadtong Martes sa buntag, Hunyo 22, nga nakasinati sila og mga problema sa proseso sa registrasyon.

"Ginahimo namo tanang pamaagi nga para unta dili maglisud atong vaccines ug para ma-inform sila. Ginahangyo lang namo is understanding kay sa vaccination, wala tay problema, apan sa pagrehistro nimo ug pagtawag sa imoha, medyo naa didto ang atong mga problema," pagtin-aw ni Villafuerte sa interbyu sa 87.5 FM Davao City Disaster Radio.

Giangkon sa opisyal nga nakadawat sila og mga reklamo sa mga nagparehistro kinsa wala mapahibawo sa eskedyul alang sa pagbakuna dul-an na usa ka bulan.

Matud sa opisyal nga sama kini sa kaso niadtong nakarehistro na sa ilang mga health centers ug sa online pinaagi sa Safe Davao QR (DQR) Code.

Ang sistema sa DQR, sa pagkakaron, wa pay confirmatory text feature nga nag-indikar sa petsa ug oras kon kanus-a ang vaccinee moadto.

"Naa mi mga encoder nga gina-filter nila tungod wala pa kapasikad ang system ron nga mo-notify sa ilaha og kanus-a," tug-an ni Villafuerte.

Dugang pa niya nga ang system developer padayon pang nagsuta sa problema, ug naglaum sila nga mapuslan na kini sa di madugay.

Tungod sa pipila ka mga limitasyon dala sa Data Privacy Act, ilang gilain ang listahan matag distrito, ug kinamot nga ikontak ang 600 registrants matag adlaw.

Molungtad og daghang mga adlaw una makuha nila ang ilang eskedyul pinaagi sa teks.

Aron paspasan ang pagpahibawo agi sa teks, gikanayon sa opisyal nga mihanyag ang telecommunication company sa lokal nga panggamhanan "to ramp up the text blast."

Subling nagpasidaan si Villafuerte nga mg "walk-ins" istrikto gihapong gidili sa mga vaccination sites. Hinuon gitin-aw niya nga padayon gihapon nilang ginadawat kini, kon diin ila kining gi-categorized nga ubos sa "quick substitution list," narehistro man o wala. Apan kini mag-agad sa ihap sa mga bakunahan nga moadto sa ilang eskedyul.

Kini aron nga malikayan ang "vaccine wastage."

Mga indibiduwal nga buot nga malista ubos sa "substitution" kinahanglan nga morehistro ngadto sa ilang duol nga health center. Kinahanglan lang nga andam sila nga makontak.

Kon ugaling way mga "quick substitutes", matud sa opisyal puwede silang mobakuna og bisan kinsa nga duol sa vaccination site.

Samtang ang Human Resource Management Office (HRMO) head ug DQR Implementation supervisor Lemuel Ortonio nagsulti nga ila nang gihingpit ang pag-usa sa confirmatory text messages alang sa mga DQR registrants.

Apan iyang giklaro nga sa text message di pa malakip ang eskedyul kay mag-agad pa gihapon kini sa suplay sa bakuna.

"We had a meeting, and we were informed that this will be available by July," pasalig niya.

Ang vaccine cluster gitahasan nga magpadala og eskedyul.

Nasayud si Ortonio nga kadtong nakarehistro sa pinakaduol nga health centers nabakunahan na og una itandi niadtong nag-pre-registered agi sa DQR.

"It will depend asa sila na priority group. Could be nga pagpa-register nila, ang ilahang priority group is not part of the catered vaccination cluster," tin-aw pa niya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph