IGO na lang sa pagpatala sa kwerpo sa kapulisan ang usa ka bana human kini gihunghongan sa iyang kaila nga kanunay niining makita ang iyang asawa nga may kaubang laing lalaki.
Bug-at man sa dughan, midangop sa Talomo Police Station si alyas Cardo, aron isaysay ang gihimong pagluib sa iyang asawa nga si Alyana.
Suma pa sa banang, 45-anyos ug taga Cebu, apan sa Barangay Maa sa Davao City nagpuyo nga taudtaod na siyang nakadungog nga may lain nang mipapitik sa kasingkasing sa iyang tsinita nga kapikas.
Subay sa blotter, Hunyo 16, usa ka higala sa iyang asawang si alyas Alyana, 40, ang wa na kaantos, mikumpisal na gyud kaniya nga perme niyang makita ang iyang asawa uban ang higala niining si alyas Billy nga taga Agdao ning siyudad.
Nakumpirma sab suma pa sa maong higala nga kapila ka beses nang sekreto nga gatagbo sila alyas Alyana ug Billy.
Nasayran nga nahimong nagmaluibon ang asawa gumikan dili kabalo kuno mokasta iyang bana ibabaw sa kama.
Aminado si alyas Cardo nga sa nakalabay nga tuig nakurat na lamang siya sa kalit nga pakigbuwag sa iyang kapikas.
Sa iyang pagduki-duki, nakumpirma niyang may lain na gyud diay'ng bathala ang babayeng gipakaslan.