52 ka mga bag-ong kaso natala sa Cagayan de Oro

NAKATALA og 52 ka mga bag-ong kaso sa coronavirus disease (Covid-19) ang Cagayan de Oro, pulos mga local transmissions.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 9,704.

Matud sa City Health Office, sa 52 ka mga bag-ong lokal nga kaso, 29 ang mga local index nga mga kaso, 18 ang mga local case with link, upat ang mga lokal authorized persons outside residence (Apors) with link, ug usa ang patay.

Ang Cagayan de Oro adunay 1,202 ka mga aktibo nga mga kaso, 310 niini na-admit sa Northern Mindanao Medical Center (NMMC) ug uban pang mga ospital sa syudad, ug 892 ang mga outpatients.

Nakatala usab og 79 ka mga Covid-positive nga mga kaso nga karon naka-recover. Anaa na karon sa 8,065 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad anaa na sa 437.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph