ANAA na sa 9,770 ang kinatibuk-ang ihap sa mga kaso sa coronavirus disease (Covid-19) sa Cagayan de Oro human nakatala kini og 66 ka mga bag-ong kaso, pulos mga local transmissions.
Matud sa City Health Office, sa 66 ka mga bag-ong lokal nga kaso, upat ang mga lokal authorized persons outside residence (Apors), 43 ang mga local index nga mga kaso, 14 ang mga local case with link, duha ang mga lokal Apors with link, ug tulo ang mga patay.
Ang Cagayan de Oro adunay 1,207 ka mga active cases, 311 niini na-admit sa Northern Mindanao Medical Center ug uban pang mga ospital sa syudad, ug 896 ang mga outpatients.
Nakatala usab og 54 ka mga Covid-positive nga mga kaso nga karon naka-recover. Anaa na karon sa 8,119 ang ihap sa mga nakarekober nga mga kaso sa dakbayan.
Ang ihap sa mga namatay sa Covid-19 sa syudad anaa na sa 444.