SUPERBALITA CEBU

Wireless mental health app sa Covid-19 patients

Sa pagtubag sa mga kabalaka ug kahadlok sa Covid-19 nga risgo nga malisoan sa maayong pangisip, ang Department of Social Welfare and Development (DSWD) Region 7 birtuwal nga milusad sa WiSupport Project nga naggamit sa wireless ug online platforms.

Namugna kini aron pagtubag sa mental health ug psychosocial nga panginahanglan sa mga tawo natakboyan sa Covid-19 nga dunay lahing reaksiyon sa nasinating sakit.

Ang DSWD-7 nitubag niini sa aspeto base sa probisyon sa Republic Act 11036 o the Philippine Mental Health Law nga nagtumong sa paghatag og mental health care services gamit ang technology-based platforms. Kini nagdasig sa pagpalambo sa WiSupport Project.

Ang mga indibiduwal ug mga sakop sa pamilya makapadala sa ilang hangyo nga libre nga konsultasyon pinaagi sa email sa wisupport.fo7@dswd.gov.ph, ekwentomo.dswd.gov.ph website, usa ka mobile application called WiSupport (available on Google Play Store), ug pagpagamit sa WiServ SMS sa 0918-912-2813.

Kini wireless ug online tools nga gidumala sa WiSupport Service Providers matag adlaw gikan sa alas 8:00 sa buntag ngadto sa alas 5:00 sa hapon, gawas sa holidays.

Ang Central Visayas usa sa pilot regions sa pagpatuman sa proyekto lakip sa National Capital ug Caraga Regions.

“There are many types of mental healthcare providers who diagnose and treat mental illnesses. But, DSWD as a social welfare agency, offers free help for everyone in the community by determining what type of intervention an individual or a family might need through providing referral pathways,” matod ni DSWD 7 Assistant Regional Director for Administration Antonio R. Dolaota.

Ang mga kliyente nga nanginahanglan og dugang mental health ug psychosocial assistance iduso sa ilang network sa serbisyo sama sa Department of Health (DOH), Department of Labor and Employment (Dole), Overseas Workers Welfare Administration (Owwa), Philippine Red Cross, Philippine Mental Health Association (PMHA) Cebu Cluster, ug ang United Registered Social Workers (URSW) Visayas Cluster.

Dinaliang pag-atiman nga ihatag depende sa kahimtang sa pasyente.

Si Dole 7 Regional Director Salome O. Siaton nipadayag sa iyang dakong suporta sa proyekto, “We are committed to helping those individuals in need of employment support through the Tulong Panghanapbuhay sa Ating Disadvantaged/Displaced Workers (TUPAD) Program.” (PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!