Menor sa online sabong naluwas

Hulagway iya sa Talomo Police Station
Hulagway iya sa Talomo Police Station

GI-TURNOVER na ngadto sa Women and Children's Protection Desk (WCPD) sa City Social Services and Development Office (CSSDO) alang sa psychosocial intervention ang usa ka menor de edad nga na-rescue sa kapulisan kay anaa sab nagyampungad sa online sabong.

Samtang prisohan ang gipa-ingnan sa tulo ka mga lalaki nga naaktuhan sab sa mga pulis nga galantaw og online sabong didto sa Tinago Drive, Matina Crossing, siyudad sa Davao, Hunyo 27, 2021.

Alas 3:35 sa hapon, mihimo og operasyon ang mga personahe sa Police Station 3 – Talomo Anti-Illegal Gambling sa dapit nga miresulta sa pagkasikop sa upat.

Mga dinakpan mao sila Kenneth Ligan, delivery rider, taga Talomo Apares, Davao City; Junnifer Visto, mekaniko, taga Matina; Feliz Visto, mekaniko, ug laing usa ka menor.

Ang upat naaktuhan nga galantaw sa online sabong, uban sa salapi nga ilang pusta, ug wa sab sila mituman sa social distancing.

Nakuha sa ilang posisyon ang gambling and non-gambling paraphernalia, cellphones ug salapi balor P35,452.

Sila pasakahan og kasong paglapas sa Presidential Decree 1602 ug Republic Act 11332 in relation sa Executive Order No. 47 Series of 2020 (Social Distancing). (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph