Dul-an na sa 100,000 ka mga individual sa dakbayan sa Sugbo nabakonahan batok sa coronavirus disease (Covid-19) gikan sa lainlaing vaccination sites nga gidumala sa Cebu City Government.
Base sa record sa Vaccination Operations Center (VOC), moabot na sa 97,002 ang nakadawat sa vaccine, 25,677 ang nakakumpleto na sa second dose samtang 71,325 ang naghuwat sa ilang second dose.
Ang Project Balik Buhay, inabagan sa Department of Health, Office of the Presidential Assistant for the Visayas (Opav) ug ubang institution, nakabakuna na og dili momenos 36,000 ka mga individual nga nagtrabaho sa mga kompaniya ug sakop sa mga organisasyon dinhi sa Sugbo.
Sa kasamtangan, temporaryong gihunong sa Cebu City Government ang pagpamakuna sa UC-Banilad, UC-Sambag-I, Robinsons Galleria, SM Seaside City ug NOAH complex gumikan sa pagkahurot sa suplay sa bakuna sa miaging semana.
Si Konsehal Dave Tumulak, kinsa maoy gitahasan ni Mayor Edgardo Labella sa pagmonitor sa mga vaccination site, nagkanayon nga mobalik ang vaccination rollout sa higayon nga adunay mangabot nga vaccines.
Sa miaging adlaw, mokabat sa 249,600 doses, ang 150,000 niini gipalit sa nasudnong kagamhanan samtang ang 99,600 gipalit sa pribadong sektor nga gipangulohan sa International Container Terminal Services, Inc. (ICTSI).
Pipila ka mga oras human niabot ang shipment sa Moderna, laing one million ka doses sa Sinovac vaccine ang nangabot sa Ninoy Aquino International Airport.
Ang Moderna di ipadala dinhghi sa Kabisay-an kay alang lang kini Metro Manila ug kanait nga mga lalawigan. (PAC)