USA ka kanhi Bayan Muna Sarangani Provincial coordinator ug miyembro sa Education/Propaganda Staff sa Guerilla Front Tala ang mitahan sa tropa sa 73rd Infantry Battalion sa Philippine Army atol sa binakbakay niadtong Hunyo 26, 2021 didto sa Sitio Loot, Barangay Poblacion, Malapatan, Sarangani Province.
Mismong ang 73rd IB uban sa Sarangani Provincial Police Office ug Malapatan Municipal Police Station ang mihan-ay sa pagtahan ni Marvin Magrano alyas Loloy kinsa dala niini ang iyang mga armas.
Gilangkuban ang armas sa upat ka Claymore Mines, M18A1, APERS, usa ka Rifle Grenade (RG), HE ug dunay mga 100 meters nga detonating cord.
"We are witnessing an influx of surrendering leaders of CTG front organizations to the government which proves their realization of the futility of the communist terrorist movement. We see this development as an opportunity to further unmask and establish the connection between the CPP-NPA-NDF and its legal fronts which include several party-list groups in Congress," sumala ni 10th Infantry "Agila" Division Commander Ernesto Torres Jr.
Sa kasamtangan, ang mitahan anaa karon sa kustodiya sa 73IB nga gipailawom sa custodial debriefing. (Jeepy P. Compio)