Barangay sa North Cotabato giula'g yelo

Hulagway iya ni Chennie Galleto
Hulagway iya ni Chennie Galleto

GIKAHIBULONG sa katawhan sa usa ka barangay sa probinsiya sa North Cotabato ang pag-ulan og ice o yelo alas 5:30 sa hapon, Miyerkules, Hunyo 31, 2021.

Giasoy ni Chennie Marianne Galleto nga molupyo sa Barangay Kalakacan, Pikit nga dungan sa kusog nga ulan ug hangin, ila sab nga nasinati ang pag-ulan sa yelo.

Gibati nila ang kahadlok sa nangahulog nga ice sa atop sa ilang balay nga daw gidak-on sa holen.

Ang uban nga mga molupyo sa barangay nanago sulod sa ilang balay, apan daghan sab ang namunit sa ice.

Ang uban nangomedya nga isagol nila ang ice sa ilang ilimnong makahubog.

Sigun ni Galleto nga mao kini ang pinakauna nga higayon nga giulan sila og yelo o hailstorm.

Giklaro sa mga eksperto gikan sa Philippine Atmospheric, Geophysical and Astronomical Services Administration nga masinati ang hailstorm kung dunay mga thurderstorm. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph