ANG couturier nga si Leo Almodal maoy designer sa bridal ball gown sa aktres nga si Ara Mina.
Ang bodice, full skirt ug ang sheer sleeves niini nagputos sa Swarovski crystals.
Ang wedding gown regalo sa mga igsuon ni Ara nga ilang gitampo-tampohan og bayad, taho sa PEP.ph.
Apan wa ibutyag ang kantidad sa bridal gown nga siguradong pwerting mahala.
Nisamot ka regal tan-awon si Ara sul-ob sa crystal neck piece ug princess crown.
Samtang ang royal blue suit nga sul-ob ni Dave Almarinez atol sa ceremony gidesinyo ni Francis Libiran ingon man ang run-away gown ni Ara nga gisul-ob sa reception. (Superbalita Cebu)