SOBRA 20,000 ka mga essential workers ug kabahin sa transport sector sa Priority Group A4 midawat sa una nilang dose sa anti-Covid vaccine atol sa duha ka adlaw nga vaccination drive, Hulyo 2-3.
Ang Priority Group A4 mao ang public ug private school teachers, workers gikan sa tourism sector, private companies, mall employees, ug miyembro sa transport sector.
Ang Davao City government nag-eskedyul sa Priority Group A4 sa nagkadaiyang vaccination hubs.
Adunay 2,459 doses ang gitagana sa Tourism Sector ug Philippine Coast Guard sa Waterfront Insular Hotel; 2,000 doses sa Boysen sa Sasa Warehouse; 3,000 doses sa
Davao Colleges ug Universities Network; 3,000 doses sa Philippine Women’s College ug University of Mindanao Bolton Campus; 1,300 doses sa Davao Association of College Schools; 1,300 doses sa Ateneo de Davao University; 1,500 doses sa San Miguel Brewery workers sa Davao Doctors Hospital; 4,000 doses sa Department of Education sa nagkadaiyang schools jab sites; 800 sa transport Group sa Agro-Industrial Foundation College; 1,000 sa Chinatown Development Council sa Chong Hua School; ug 4,000 alang sa mga trabahante sa Abreeza Mall, Gaisano Mall, SM, ug NCCC Malls. (Jeepy P. Compio/CIO)