SUKAD Enero ngadto Marso 2021, mihapak sa 117 ang ihap sa teenage pregnancy sa Siyudad sa Panabo.
Ang datus gikan sa City Health Office-Population Management Unit sa siyudad.
Suma pa mga teenager mao kadtong nag-edad og 10 ngadto 19 anyos.
Kalabot niini, ang Population Management Unit sa dakbayan nangita og pamaagi nga mapaabot sa social media ang nagkadaiyang programa diha sa barangay aron madasig ang kabataan nga mas ma-busy sa maproduktohong mga butang.
Anaa ang Adolescent Health Program nga nagtumong sa pagkunhod sa teenage pregnancies sa Panabo.
Sigun ni Adolescent Health and Development Coordinator Carlyn T. Quieta, RSW, MSSW nga nakita nilang sagad rason sa teenage pregnancies mao ang suliran sud sa pamilya.
"Wala gyud silay mga emotional attachments sa ilang parents. Kasagaran gyud sa ilaha, na belong sa broken family. Dili pud sila open sa ilang parents mao nang mas attached sila sa uban," dugang ni Quieta.
Dugang niya nga nakita sab nilang kuwang sa kaalam ang kabatan-onan nga angay tutukan, diin wa silay tiunay masayod sa kung unsa ang dangatan nila kung sila magsabak. (Uban sa taho sa CIO-Panabo)