ANAA na sa 10,149 ang kinatibuk-ang ihap sa mga kaso sa coronavirus disease (Covid-19) sa Cagayan de Oro human nakatala kini og 71 ka mga bag-ong kaso, pulos mga local transmissions.
Matud sa City Health Office, sa 71 ka mga bag-ong lokal nga kaso, unom ang mga lokal authorized persons outside residence (Apors), 35 ang mga local index nga mga kaso, 24 ang mga local case with link, ug unom ang mga lokal Apors with link.
Ang Cagayan de Oro adunay 1,020 ka mga active cases, 318 niini na-admit sa Northern Mindanao Medical Center ug uban pang mga ospital sa syudad, ug 702 ang mga outpatients.
Nakatala usab og 88 ka mga Covid-positive nga mga kaso nga karon naka-recover. Anaa na karon sa 8,650 ang ihap sa mga nakarekober nga mga kaso sa dakbayan.
Ang ihap sa mga namatay sa Covid-19 sa syudad anaa na sa 479.