1,908 ka pamilya sa CV migradwar sa 4Ps sa DSWD

DILI mominos 1,908 ka pamilya ang ninggraduwar sa Pantawid Pamilyang Pilipino Program (4Ps) sa Central Visayas (CV).

Ang 4Ps partner-beneficiaries nga wala na sa programa mao kadtong wala nay sakop sa pamilya nga 0 (zero) ngadto sa 18 anyos nga bata o nakatapos na sa Senior High School ug kadtong giila nga level 3 o gikonsiderar sa maayo na ang ilang panginabuhi base sa pagsubay sa Social Welfare Development Indicator (SWDI) nga gihimo sa Department of Social Welfare and Development (DSWD).

Ang SWDI maoy nag-monitor sa kalamboan sa pamilya ug naggiya sa malahutayong kalamboan aron mahaw-as na sa kalisod.

Sa 1,908 nga nitapos sa 4Ps beneficiaries, ang 1,291 ka pamilya wala nay 0 to 18 years old nga bata ug 617 arang-arang na ilang kahimtang.

Ang graduation ceremonies gipahigayon sa local government units (LGUs) sa Daanbantayan, Boljoon, Tuburan, San Remigio, Lapu-Lapu City, Borbon, Tabogon, Medellin, ug City of Naga sa Cebu.

Sa Bohol province, gihimo sa LGUs sa President Carlos P. Garcia, Duero, Talibon, ug Ubay; sa Negros Oriental province, ang LGUs sa Tayasan, Manjuyod, Bindoy, La Libertad, Canlaon City, Guihulngan City, Pamplona, Jimalalud, and Vallehermoso; ug lungsod sa Lazi sa Siquijor province.

Ubang LGUs sa CV mohimo og graduation ceremony sa mga mosunod nga buwan.

“I congratulate our 4Ps partner-beneficiaries for reaching this far, and I hope you continue to work hard, persevere, and never forget to pray to God for guidance,” matod ni DSWD-7 Regional Director Rebecca Geamala. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph