DILI mominos 31 ka mga tawo ang namatay sa pagkahagsa sa Philippine Air Force C-130 plane nga dunay sakay nga 90 ka pasahero.
Ang abyon gikataho nga nahagsa sa alas 11:30 sa buntag kagahapon, Hulyo 4, sa Barangay Bangkal, lungsod sa Patikul, Sulu.
Si Defense Secretary Delfin Lorenzana nagkanayon nga sakay sa abyon mao ang tulo ka piloto, lima ka crew members, ug ang uban pulos mga sundalo nga moadto sa Jolo, Sulu gikan sa Cagayan de Oro City.
Dunay 50 ka mga sundalo ang samdan ug naluwas samtang laing upat ka mga sibilyan ang naluwas usab.
Sumala sa mga saksi, dunay nibuto sa wala pa nahagsa.
Ang mga samdan gidala sa Kuta Heneral Teodulfo Bautista Station Hospital sa lungsod sa Jolo, samtang ang uban gidala sa dakbayan sa Zamboanga.
Sagad sa mga pasahero bag-ong nadawat nga sundalo nga nihimo og anti-terrorism campaign. (Wires)