Ang Converge ICT Solutions Inc. komitado nga pagpalambo sa Sugbo nga mahimong world-class digital province pinaagi sa pag-roll-out sa iyang fiber broadband services.
Sa pagtuman sa maong saad, si Converge ICT Solutions Inc. CEO and co-founder Dennis Anthony Uy uban sa iyang asawa nga si Converge president and co-founder Grace Uy ug nag-unang mga opisyal sa kompaniya ninghimo og courtesy call kang Cebu Governor Gwendolyn Garcia sa iyang buhatan sa Kapitolyo..
Gipaabot sa magtiayong Uy ang ilang intensiyon sa pagpalambo sa Sugbo ngadto sa pagka world-class digital province.
“I would like to thank Governor Gwen Garcia for the warm welcome during our visit. We look forward to a strong partnership as we provide world-class fiber broadband services to customers in Cebu.We’re one with them in making Cebu future-ready with the right infrastructure in place and the best technology today,” matod ni Dennis Anthony Uy.
Dili pa lang dugay, ang nag-unang fiber internet services provider Converge ICT Solutions Inc. opisyal nga nilusad sa high-speed fiber broadband service sa Visayas, nagmarka sa iyang pagsulod sa uban sa grand opening sa iyang regional corporate office ug ang ceremonial launch sa iyang Mandaue business center.
Sa mga mosunod nga semana, gikatakda nga moabli kini sa iyang business center sa Cebu City, lakip sa pagsugod sa pagserbisyo sa Dakbayan sa Talisay, Lungsod sa Cordova, ug Dakbayan sa Lapu-Lapu. (PR)