SIKOP sa Calinan Police Station ang usa ka high value target (HVT) sa ilang area of responsibility (AOR) kinsa usa ka purok leader nga yanong naninda og gituohang shabu.
Sa report sa Calinan police, alas 2:15 sa hapon niadtong Hulyo 4, 2021 nasikop ang usa ka Ricky Abdul, alyas Abdul, 44 anyos, didto sa Teacher’s Village, Calinan, Davao City.
Sumala ni Calinan police station commander Major Jake Goles nga resulta kini sa ilang hugot nga pagpaniid sa ilang AOR sa pipila nga dunay ilegal nga binuhatan.
Human napalitan ang suspek og gituohang shabu nga kantidad og P1,000, nakuha sab sa posisyon niini ang lain pang mga pakite nga dunay shabu nga mokantidad sa P5,000.
Kasong pagsupak sa Republic Act 9165, kun Comprehensive Dangerous Drug Act of 2002, ang atubangon sa suspek didto sa korte. (Jeepy P. Compio)