Karong Sabado na ang grand opening sa bag-ong tambayan sa mga lami nga pagkaon, ang “Werpa Food Park” (where exciting real pakal awaits) nga naa mahimutang sa Punta Princesa sa Labangon ug duna pay mga live band.
Kitakits ta didto kay morag silang Donita Nose, Tekla ug Ethel Booba ang mag-ribbon cutting. Basin makalugsong ko atong tan-awon unsa ning Werpa.
Basta ingon aning buwan sa Hulyo ang akong mahinumdoman ang Christmas in July sa Gaisano Main ug Country Mall. Siguradong daghan sad mong lami nga mapalit karon didto sa mas barato nga presyo.
Siyempre apil na ang mga sanga nilang tindahan nga Gaisano Balamban, Bogo ug Moalboal nga padayong nanghatag og dagkong diskwento.
Apan karong July gisugat sad ta sa way lami nga balita nga Kapuso na si Bea Alonzo.
Dugay na man gud ni nako gisuwat dire sa Tagming. Apan kon tinuod nga P200 million for 2 years ang iyang kontrata sa GMA, good for her.
Pero mangutana ko kinsang mga artistaha sa ABS-CBN ang nibalhin sa GMA nga nisikat og samot? Naa ba? Morag wala no!?
Pero kinsang mga artistaha sa GMA nga diha ra nisikat o mas nisikat pagbalhin nila sa ABS-CBN?
Daghan kaayo nga naglakip nilang Angel Locsin, Toni Gonzaga, Cristine Reyes, Anne Curtis, Karylle, Iza Calzado, Jonalyn Viray, Ivana Alawi, Yassi Pressman, Paulo Avelino, JC de Vera ug uban pa.
In fairness ang GMA maayo sila sa documentary programs ug comedy shows pero pag-abot sa teleserye-drama diha sila kulelat.
Karong parehong Kapuso na si Bea ug John Lloyd aber atong tan-awon unsay gama!
Hoping for the better apan puwede pud nga mao na ni sinugdanan sa pagkisdom sa ilang mga bituon? Sa giingon pa nila, “stars may come and go but the institution stays.”
SSSUPER KA!
Kon makalugar mo basaha ang akong exclusive interview sa legendary Cebuano singer-composer-musician nga toa na nagbase sa California.
Kanhi sakop siya sa Anakpawis Band niadtong 1989 nga ang mga sakup iya ra sad mga igsuon nga ang tirada folk, rock and country.
Gitakda siyang magbalikbayan karong September bitbit ang bag-o niyang album nga “Bayani Ka.” Naa kaha siyay planong molansar sama sa iyang mga igsuon nga parehong nahimong mayor sa lungsod sa Compostela niadto?
Morag kaila mo no? Sige, ako ning ipailaila ninyo karong Huwebes sa Ssssuper Ka!