MIUBOS na ang ihap sa mga aktibo ug bag-ong mga kaso sa coronavirus disease (Covid-19) sa Cagayan de Oro.
Anaa na sa 889 ang aktibo nga mga kaso ug 34 ang mga natala nga mga bag-ong kaso sa dakbayan.
Sa 34 ka mga bag-ong kaso, unom niini mga local cases with link, upat ang mga lokal nga authorized person outside residence (Apor), 21 ang mga local index nga mga kaso, ug tulo ang mga patay.
Miabot sa 10,297 ang kinatibuk-ang ihap sa mga kaso sa Covid-19 sa dakbayan.
Ang Cagayan de Oro adunay 889 ka mga active cases, 298 niini na-admit sa Northern Mindanao Medical Center ug uban pang mga ospital sa syudad, ug 591 ang mga outpatients.
Nakatala usab og 98 ka mga coronavirus-positive nga mga kaso nga karon naka-recover. Anaa na karon sa 8,918 ang ihap sa mga nakarekober nga mga kaso sa dakbayan.
Ang ihap sa mga namatay sa Covid-19 sa syudad anaa na sa 490.