Upat ka mga Oponganon ang apil sa nangamatay sa pagkahagsa sa C-130 Hercules nga cargo plane sa Philippine Air Force (PAF) niadtong Hulyo 4, 2021 sa Patikul, Sulu.
Ang upat giila ni Mayor Junard “Ahong” Chan nga sila si Technical Sergeant Donald Badoy, taga Mactan Benito Ebwin Air Base; Staff Sergeant Jean Neil Macapaz, taga Barangay Basak; Staff Sergeant Michael Bulalaque, taga Barangay Bankal; ug A1C Fortunate Regidor, taga Barangay Basak.
Si Donald di maoy unang sakop sa pamilya nga namatay sa plane crash sa samang matang sa abyon sa PAF.
Niadtong Disyembre 15, 1993, ang amahan ni Donald usa sa namatay usab sa pagkahagsa sa C-130 cargo plane nga maghatod unta og relief goods alang sa mga biktima sa bagyo sa Camarines Sur, matod sa GMA 7 Balitang Bisdak.
Si Donald dunay duha ka mga anak nga lalake, 4 ug 9 anyos.
Si Chan, sa iyang bahin, nipahasubo sa mga pamilya nga namatyan tungod sa plane crash.
“In behalf of the Oponganons, we offer my condolences to the family of the 50 heroes involved in the crash. Their souls be at peace with our heavenly Father and let perpetual Light shine upon them,” nagkanayon si Chan. (REV)