MIABOT Miyerkules sa buntag, Hunyo 7, 2021, sa Davao City ang dugang 72,000 doses nga Sinovac vaccines sakay sa Cebu Pacific commercial flight.
Sa impormasyon gikan sa Department of Health (DOH)-Davao Region, ang mga bakuna gamitong 1st dose ug 2nd dose sa A1, A2, A3 ug A4 eligible priority groups sa Davao Region diin asa bahin-bahinon kini.
Gilayong gidala ang mga bakuna sa storage facility sa DOH-Davao Region aron malikayan ang pagkadaut niini.
Sa sunod semana, mas modaghan pa ang fully-vaccinated nga mga Dabawenyo human nagsunod-sunod ang schedule sa 2nd dose sugod karong Lunes.
Anaa na sa 834,990 total doses ang nabakuna na sa katawhan sa Davao Region, subay sa datus DOH-Davao Region. (Jeepy P. Compio)