Tampo ni Benedict Lahoylahoy sa SFX Trabomoc
Tampo ni Benedict Lahoylahoy sa SFX Trabomoc

Tsino gilamoy sa kalayo

KABSAN sa kinabuhi ang usa ka Chinese National samtang samdan ang usa ka kauban niini sa dakong sunog sa cold storage nga gipanag-iyahan sa SLK Corporation sa Purok 1A, Barangay Bunawan Proper, Davao City, Lunes sa buntag, Hulyo 5, 2021.

Giila sa Davao City Fire District ang namatay nga si Chen (gipatago ang bansagon) samtang ang samdan nailhang si Luan, pulos hamtong.

Sumala ni Davao City Fire District Investigation Division Chief Senior Fire Officer (SFO) 3 Ramil Gillado nga sa kakusog sa kalayo, naabot kini sa 4th alarm nga halos walo ka oras una kini gideklarang fire under control.

Dugang pa, naglisud og sulod ang mga bombero gumikan padayong nag-aso ang kisame nga bahin sa gambalay nga gihimong cold storage facility sa mga imported nga isda.

Sa inisyal nga danyos nga gipagula sa Bureau of Fire Protection-Davao anaa kini sa P35 milyon.

Wala pa sab ma-establisar sa kabomberohan unsay hinungdan sa kalayo, padayon ang gihimong imbestigasyon sa hitabo. (Jeepy P. Compio)

Related Stories

No stories found.
SunStar Publishing Inc.
www.sunstar.com.ph