NAGPAHIBALO sa publiko si Davao City Mayor Sara Duterte-Carpio nga dili magpadala sa mga tawo nga nagapangayo og kuwarta diin gigamit ang iyang pangalan alang sa kandidatura sa 2022 elections.
Sa pamahayag nga gipagula Miyerkules, Hulyo 7, 2021, sa Davao City Information Office, gibutyag niini nga dunay giingong mga solicitation.
Unang giyagyag sa pamahayag mao ang kon dunay mga government employees o private individuals nga mangayo og kuwarta agi'g kontribusyon ngadto sa contractors o mga negusyante, dili angay magpadala.
Likayan sab ug di gyud mohatag og kuwarta sa mga indibiduwal nga sila nagpaila nga naga-fundraising ug mangolekta og kuwarta sa contractors o mga negusyante nga ipaagi lamang kanila.
Dili sab magpadala sa mga tawo nga nagpailang mga empleyado sa City Government of Davao nga motawag sa kontraktor ug sa mga negsuyante aron mangayo og salapi.
"Please be warned that there is no fund-raising activity or campaign money solicitation for my benefit. All these activities are unauthorized and without my permission," sigon sa pamahayag.
Andam ang National Bureau of Investigation ug Davao City Police Office sa pag-aksyon ugaling dunay mga ingon niini nga hitabo, labi na nga hinangat na ang eleksiyon.
Dugang pa, "The public is asked not to give money or any other donation to these individuals and to immediately report this to davaocitymayor@gmail.com or the National Bureau of Investigation and Davao City Police Office." (Uban sa taho sa CIO)