SECTIONS
Superbalita Cebu
Wednesday, September 22, 2021
SUPERBALITA CEBU

Transfer station gisirhan

Ang Environmental Management Bureau (EMB) 7 sa Department of Environment and Natural Resources (DENR) 7 niisyu og cease and desist order (CDO) batok sa RMI Solid Waste Management and Hauling Services nga nanag-iya sa transfer station nga nahimutang sa Barangay Inayawan, Dakbayan sa Sugbo, Hulyo 7, 2021.

Si Regional Director Lormelyn Claudio sa (EMB) 7 niisyu sa kamandoan gumikan sa daghang mga kalapasan sa kompaniya sa Ecological Solid Waste Management Act nga nakita sa inspectors sa ilang pagbisita sa transfer station sa mga basura sa Dakbayan sa Sugbo.

Ang EMB 7 nirekomendar og multa nga P105,000 tungod sa violation sa Environmental Compliance Certificate Nos. 2 ug 6 gikan niadtong 2017 nga kinahanglan bayran sulod sa 15 ka adlaw human naisyu ang kamandoan.

Ang P105,000 nga multa nagagumikan sa kapakyas sa kompaniya sa pag-submit og compliance monitoring reports (CMR) sukad niadtong 2017. Matag CMR nga di maduso, nagtangag og multa nga P10,000 matag usa.

Ang P25,000 alang sa ilang ECC condition number 6.

“Finally, pending compliance, respondent is directed to immediately cease and desist from further accepting waste in its facility,” tipik sa direktiba ni Claudio.

Kon dili tumanon sa transfer station ang CDO sa EMB, pahamtangan sila og P50,000 matag violation nga ilang nahimo subay sa ilang findings kon mobukas sila og balik nga wa makatuman sa kamandoan.

KALAPASAN



Niadtong Hulyo 5, ang mga technical personnel sa EMB nipahigayon og ocular inspection sa transfer station.

Ilang nakita nga pakyas sila pagtaod og atop sa dapit nga gipundohan sa mga basura aron di direktang mainitan o maowanan ang basura.

Walay leachete ug drainage control ang pasilidad. Ang mga basura mapundo lapas 24 oras nga kalapasan sa balaod.

Ang basura niabot na og 10.8 metros ang gihabugon sa tumpi-tumpi ug nag-anam pa og kadaghan itandi sa ilang unang inspeksyon.

Gihulagway sa EMB nga susama na og open dumpsite ang pasilidad, di lang transfer station.

Gawas niini, ang kompaniya napakyas usab pagkuha og DENR hazardous waste generator’s identification (ID) ug discharge permit.

DIREKTA



Tungod sa temporaryong pagsira sa transfer station, tanang mga barangay sa Cebu City kinahanglang direktang modala sa ilang basura ngadto sa sanitary landfill sa Barangay Binaliw, matod ni Department of Public Services (DPS) head John Jigo Dacua.

Si Dacua nimando kang Cebu Environmental Sanitation and Enforcement Team (CESET) head Grace Luardo sa pagpahibawo sa tanang mga barangay sa paglabay sa ilang mga basura direkta sa landfil sa Binaliw.

Si Dacua niingon nga ang contractor padayong mangolekta gikan sa mga barangay ug molabay niini sa landfill. (Dugang taho ni JJL)

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph