Gitugonan na ni Cebu City Mayor Edgardo Labella si Atty. June Maratas sa Department of General Services (DGS) nga dugangan ang fuel allocation sa mga barangays sa south district, ingon ni City Administrator Floro Casas Jr.
Kini human temporaryo gisira ang transfer station sa Barangay Inayawan diin ilabay ang basura sa kadaghanang barangay sa south district.
Matod ni Casas, kini nga mga barangay deretso na ilabay ang basura ngadto sa sanitary landfill sama didto sa Barangay Binaliw.
Adunay 34 ka barangays sa south district sa Cebu City. (JJL)