JAS, Davao Occidental -- Tungod sa kagutom ug wala natuman nga mga pasalig, nakahukom ang usa ka sakop sa New People’s Army (NPA) nga boluntaryo nga motahan ngadto sa Revitalized Pulis Sa Barangay (RPSB).
Usa ka alyas Marjun, hamtong ang pangedaron nga taga Sitio Proper, Barangay Culaman, Jose Abad Santos, Davao Occidental ang mitahan diin dala niini ang iyang usa ka US carbine .30cal M1, duha ka nga magazine, mga bala, usa ka improvised M203 grenade launcher ug usa ka 40mm high explosive.
Sumala ni Police Lieutenant Billy Burgos, team leader sa RPSB sa dapit nga mitahan si Marjun atol sa gilusad nga joint-operation sa Barangay Tabayon, JAS.
Saysay ni Marjun usa sa mga rason sa iyang pagtahan mao ang kapakyas sa mga pasalig sa kadagkoan sa pundok nga maharuhay iyang pamuyo ug gibati na sab siya sa kahadlok ug kagutom sa bukid.
Ang motahan nga rebelde makahimulos sa programa sa gobyerno nga Enhanced Comprehensive Local Integration Program. (Jeepy P. Compio)