Consolacion planong magtukod og Seafront City

Ang Regional Development Council (RDC) sa rehiyon 7 nanawagan sa stakeholders ug mga ahensya sa kagamhanan sa pagtuon og maayo sa epekto sa giplanong 234.80 ka ektaryang project sa Lungsod sa Consolacion, amihanang Sugbo, sa lokal nga ekonomiya.

Ang proyekto, nga gipasiugdahan sa La Consolacion Seafront Development Corp. (LCSDC), gitumong aron pagtukod og Seafront City.

Maghimo kini sa foreshore, offshore ug kadagatan sa Consolacion ngadto sa international economic hub.

“We hope that the Consolacion project is backed up by sound financials and business plans, as well as environmental impact studies. We also hope that their financial partner has relevant experience and the financial muscle for the project,” matod ni Gordon Alan Joseph, chairperson sa RDC-7 infrastructure development ug power sub-committees.

Gitumbok sa RDC 7 nga ang stakeholders sama sa mga shipyard ug mga mananagat nabalaka kay wa sila ilakip sa mga stakeholder sa mga pagtuki kalabot sa reclamation project.

“It is now up to the project proponents and the affected stakeholders to meet to discuss environmental and business disruption mitigation measures and see to it that these are implemented,” matod ni Joseph.

Mga semana kapin, niduso og petition for certiorari and prohibition sa korte ang lima ka mga shipyard nga nagbase sa lungsod batok sa local government unit tungod sa kapakyas sa paghatag kanila og usa ka tuig nga business permit.

Ang ilang business permit kutob ra sa Hunyo 30, 2021 nga lahi sa naandan nga usa ka tuig.

Ang mga shipyard ug mananagat niingon nga mahawa sila tungod sa reclamation project.

Ang proyekto wa maghimo og mga lakang aron unta way panginabuhian nga wa mawagtang.

Naglaum si Joseph nga gidesinyo ang proyekto nga dunay konsiderasyon sa kalikupan taliwa sa kabalaka nga mogamay ang mga agianan sa tubig nga mosangko sa mga pagbaha.

“Our last hope is that this project is designed as a green, world-class smart city project and not just another unplanned landfill,” matod ni Joseph.

Ang LCSDC wa mohangyo sa RDC 7 alang sa endorsement sa reclamation project sa RDC 7.

KONSULTASYON

Sa iyang bahin, si Consolacion Mayor Joannes Alegado niingon nga tipik sa planning ang mga konsultasyon sa nagkadaiyang mga sektor.

“Consultations were done on the said reclamation project. Public hearing / public scoping were done. Several meetings had been done,” matod ni Alegado sa iyang mensahe sa Superbalita Cebu.

Kalabot sa mga kabalaka sa epekto niini sa kalikupan, gipaneguro ni Alegado nga apil kini sa mga aspetong gitun-an kalabot sa proyekto.

“Looking into environmental concerns is always a part of a project. This is part of the feasibility study and all the studies needed for the project,” dugang sa mayor.

Iya usab nga gipaneguro nga ang proyekto nakapasar sa pagsusi sa mga ahensya sa kagamhanan, sama sa Department of Environment and Natural Resources (DENR).

Di usab makamugna og baha ang proyekto kay gani, momugna kini og mga agianan sa tubig.

“DENR and other national agencies are there to see to it that issues like these are addressed. Waterways are not impeded by this project. In fact, waterways are being provided. Everything therefore are responsibly being complied with and processes and protocols are followed,” dugang ni Alegado.

Usa usab ka tinubdan nga di gustong nganlan niingon nga ang unang konsultasyon sa proyekto gipahigayon sa gym sa Barangay Tayud nga gitambungan mismo sa barangay officials, mga organisasyon, apil na ang mga mananagat.

Bisan ang mga tag-iya og shipyard gipatawag sa usa ka tigom tali sa LGU. (REV, PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph