Tulo ka kanhi mga sakop sa rebeldeng New People’s Army (NPA) nga naa sa habig sa gobyerno niluwat og pinanumpaang pamahayag nga sila si barangay konsehal Carmilo Tabada ug Pastor Nathaniel Vallente, ilang kanhi mga kauban sa armadong pakigbisog.
Tungod niini, nilig-on ang pangangkon sa Criminal Investigation and Detection Group (CIDG) 7 nga mga NPA sila si Tabada ug Vallente.
Si Tabada ilang nadakpan sa Barangay Poblacion, lungsod sa Tirinidad samtang si Vallente sa Barangay San Jose lungsod sa Mabini.
Matod ni Police Colonel Ireneo Dalogdog, regional chief sa CIDG-7, nga adunay tulo ka kanhi mga NPA nga naglihok sa Bohol niadtong 2002 hangtod na sa 2003 nga niluwat og pinanumpaang pamahayag nga silang Tabada ug Vallente ilang kauban kaniadto.
Wa lang una nganli ni Dalogdog ang tulo ka mga saksi, apan sa dihang nibalik sila sa sabakan sa gobyerno, nisulod sila isip mga sakop sa Citizens Armed Forces Geographical Unit (CAFGU).
“Sila ay may kaalaman about doon sa involvement or activities nila ni Carmilo Tabada at Nathaniel Vallente. Accordingly, dati silang kasama, siya at former member ng CPP-NPA-NDF 2002 to 2003. Nag surrender siya noong 2003 at nag join sa Cafgu,” matod ni Dalogdog. (AYB)