Bisan sa temporaryong pagsirado sa transfer station sa Barangay Inayawan, gipaniguro ni Mayor Edgardo Labella nga di maapektohan ang paghakot sa mga basura sa Dakbayan.
Gibutyag ni City Administrator Floro Casas Jr. nga ang Department of Public Services (DPS) aduna nay daan nga sistema nga gisunod karon.
“The mayor assured us nga dili ta angayang mabalaka kay in place na ang system sa atong basura from collection to disposal,” padayag ni Casas.
“Rest assured nga dili mahugaw ang atong syudad tungod sa closure sa atoang transfer station sa Inayawan,” dugang sa City administrator.
Ang DPS ug Local Disaster Risk Reduction and Management Office (LDRRMO) pinangulohan ni Ramil Ayuman nitagbo kagahapon sa barangay officials para sa mas epektibo nga koleksyon sa basura.
Wa pa usab makita ni Ayuman ang panginahanglan sa pagdeklarar og state of emergency tungod sa basura.
Sa ilang tigom, nisulti ang mga kapitan nga sayo pa kaayo ang paghimo niini.