KASONG parricide ang giatubang sa usa ka anak human niya gipatay ang mismong amahan, Miyerkules sa gabii, Hulyo 7, 2021, didto sa Purok 6, Sitio Datalpitak, Barangay Colonsabac, Matanao, Davao del Sur.
Dead on the spot ang amahan nga si Dalyanan Mangcal Lingi, 37-anyos, human giluba sa iyang kaugalingong anak nga si Clifford Lingi.
Sa inisyal nga imbestigasyon, hubog ang anak nga miuli sa ilang balay ug nakiglalis kini sa iyahang amahan.
Dihang gibadlong kini mahitungod sa iyang paghubog-hubog nga miresulta sa pagkasuko niini.
Walay duha-duha, giayo'g luba sa anak ang iyang amahan nga miresulta sa hinanaling kamatayon niini.
Nagtingkagol na sa prisohan ang suspek samtang gihaya sab ang amahan sa ilang panimalay.
Nagmahay man ang suspek apan ulahi na ang tanan. (Jeepy P. Compio)