“I’M NOT the third party. Thanks.”
Kini maoy direktang tubag sa newbie actress Cindy Miranda diha sa iyang Instagram alang niadtong netizens nga nagduda nga siya maoy hinungdan nga nagbuwag ang celebrity couple nga sila si Aljur Abrenica, 31, ug Kylie Padilla, 28.
Taho sa PEP.ph nga naduhig ang pangalan ni Cindy ilabi na nga iyang leading man si Aljur sa pelikulang “Nerisa.”
Ang gihimong rebelasyon ni Robin Padilla, amahan ni Kylie na-atol sa virtual media conference sa maong pelikula.
Hinungdan nga gipahinumduman ang entertainment press nga likayan ang pagpangutana mahitungod sa pribadong kinabuhi sa mga artista.
Natala sa report sa PEP nga nagbuwag nang daan sila si Kylie ug Aljur sa dihang gisugdan ang shooting sa “Nerisa.”
Posible nga biktima lang sa mistaken identity si Cindy ug dili siya maoy gitumbok ni Robin nga third party sa panagbuwag nilang Kylie ug Aljur sa dihang nahinabi ang action star ni Ogie Diaz sa gihimong YouTube vlog niadtong Hulyo 8.
Gikonpirmar
Taho sa “24 Oras” sa GMA Network gikonpirmar ni Kylie ang isyu sa panagbuwag ngadto sa iyang bana nga si Aljur.
“Every family goes through a lot of challenges and sometimes, we think that it is the couple that goes through the ordeal.
“We forget the kids and the people that are involved in the family.
“In the past few months, our family has gone through the process of recovering, healing, and moving on.
“All we need right now is respect—first and foremost, on the decisions we have made as a family and respect for each and every member of our family—to Aljur who is the father of my two wonderful boys, most especially to Alas, 4 and Axl, 1,” pahayag ni Kylie.
Co-parenting
Gibutyag ni Kylie nga gipaagi nila karon sa co-parenting ang pag-atiman sa ilang mga anak diin banos-banos sila sa pag-atiman sa mga bata.
Iyang panghinaot nga magsilbi kining leksiyon aron nga makat-on ug molambo sila sa ilang matag kinabuhi. (Superbalita Cebu)