SA 2017, naalkanse ang Philhealth og P4.75 bilyunes. Gitaktak si Philhealth Chief Ma. Jude dela Serna tungod sa gastusong biyahe.
Corruption scandal P153 bilyunes sa palusot sa bayranan sa pasyente tali sa mga ospital ug Welmed Dialysis Center.
Gipapahawa ang Philhealth board members ug Chief Roy Ferrer. Gipaburot ang presyo sa IT equipments, Covid benefit package ug test kits.
Malversation nga P27 bilyunes sa Interim Reimbursement Mechanism (IRM).
Gitumbok si DOH Sec. Francisco Duque nga godfather isip chairman sa IRM.
Sa Oktubre 2020, ang house joint panels ningrekomendar og kasong administratiba batok nila ni Duque, Philhealth Chief Ricardo Morales ug 14 ka mga opisyal. Kasong kriminal sab batok Duque, Morales, Arnel de Jesus, Israel Pargas, Rogelio Pacalan Jr., Ma. Graciela Blas Gonzaga, Susan Mercado, Alejandro Cabading ug Marlene Padua kabahin sa IRM cash advances ngadto sa health care institutions.
Nadutlan sa ebidensya gisuspenso sa Ombudsman og unom ka bulan sila de Jesus, Pargas, Gregorio Rulloda, Imelda de Vera-Pe, Lolita Tuliao, Gemma Sibucao ug Lailani Padua. Mibiya sa katungdanan si Morales pasangil nga nasakit.
Gikiha sa National Bureau of Investigation (NBI) ang walo ka mga opisyal sa Philhealth 7 sila Arlan Granali, Francis Javier, Joan Tui-Aguson, Josette Bacalso, Reginal Mangubat, Anecito Ramas Jr., Anthonette Maamo, Kenneth Donalvo ug upat sa Perpetual Succour Hospita nga sila si Brenda Monares, Gladys Sarmiento, Jaye Ann Carcueva ug Gina Misagal.
Sa Pebrero 2021, gikiha ang walo ka mga opsiyal sa Philhealth 7 ug tulo sa Chong Hua Hospital. (csa_1156@yahoo.com/09064648954)