SUPERBALITA CEBU

Vietnam SEA Games giuswag sa 2022

HINGPIT nang gikanselar ang Southeast Asian Games (Seag) nga gikatakda unta karong tuiga.

Ang mga sakop sa Seag Federation nagkasabot nga iuswag sa sunod tuig ang 31st edition sa Vietnam SEA Games.

Si Philippine Olympic Committee (POC) president Bambol Tolentino maoy nangunay sa pagpahibawo human sa virtual meeting niadtong Hulyo 8, 2021 uban sa iyang counterparts sa ubang nasod.

Gipasabot ni Tolentino nga ilang gihatagan og gibug-aton ang kasiguroan sa panglawas sa mga atleta, officilas ug sa mga tumatan-away.

“Di rin makapag-decide ang Vietnam, so tinulungan na lang namin. I think it’s the best decision for everyone dahil lahat naman apektado. Tulong na rin namin sa Vietnam,” matod ni Tolentino, kinsa midugang sa pag-ingon nga ang pagsulbong sa kaso sa Covid-19 sa rehiyon maoy usa sa dakong mga rason sa pag-uswag sa matag duha ka mga tuig nga sporting competition.

Nasabutan usab nga hatagan og 10 ka mga adlaw ang Vietnam kon unsang petsaha sa sunod tuig ilang mapahigayon ang SEA Games.

Ang Seag gikatakda unta sa Nobiyembre 21 ngadto sa Disyembre 2, 2021. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph