MIABOT na sa 73,999 ka mga indibidwal sa Cagayan de Oro ang nabakunahan na sa Covid-19 vaccine.
Sa 73,999 ka mga nabakunahan na, 58,175 ang mga nakadawat sa first dose sa Covid-19 vaccines ug 15,824 ang mga fully vaccinated.
Matud sa datos sa City Government, sa 73,999 ka mga indibidwal, 18,135 ang mga frontline healthcare workers, 30,007 ang mga senior citizens, 23,694 ang mga indibidwal nga naay comorbidities, ug 2,163 ang mga essential frontline workers.
Kasamtangang anaa na sa 986 ang mga indibidwal nga nabakunahan na mga nagpositibo sa coronavirus disease (Covid-19) sa Cagayan de Oro.
Matud ni city epidemiologist Dr. Joselito Retuya, sa maong 986 nga mga vaccinees, 654 niini ang mga nabakunahan na sa Sinovac vaccine, 250 ang nabakunahan sa AstraZeneca, 67 ang nabakunahan sa Pfizer, 11 ang nabakunahan sa Sputnik V, ug tulo ang nabakunahan sa Sinopharm.
Sa 654 nga mga Sinovac vaccinees, 472 ang nakasinati og mild nga sintomas, 140 ang mga asymptomatic, 38 ang mga nakasinati og moderate nga sintomas, ug upat ang mga severe nga kaso.
Sa 250 nga mga AstraZeneca vaccinees, 168 ang nakasinati og mild nga sintomas, 60 ang mga asymptomatic, 21 ang mga nakasinati og moderate nga sintomas, ug usa ang severe nga kaso.
Sa 67 nga mga Pfizer vaccinees, 57 ang nakasinati of mild nga sintomas, lima ang mga asymptomatic, ug lima ang mga nakasinati og moderate nga sintomas.
Sa 11 nga Sputnik V vaccinees, siyam ang nakasinati og mild nga sintomas, duha ang mga asymptomatic, ug usa ang nakasinati og moderate nga sintomas.
Sa tulo ka mga Sinopharm vaccinees, duha ka mga indibidwal ang nakasinati og mild nga sintomas ug usa ang asymptomatic.
Kasamtangan, sa 986 ka mga coronavirus-positive nga mga vaccinees, 452 ka mga indibidwal ang mga fully vaccinated.