ANAA na sa 9,039 ang kinatibuk-ang ihap sa mga nakarekober nga mga pasyente sa Cagayan de Oro human ang dakbayan nakatala og 21 ka mga bag-ong nakarekober nga coronavirus-positive nga mga indibidwal.
Ang dakbayan nakatala pud og 53 ka mga bag-ong kaso sa coronavirus disease (Covid-19).
Sa 53 ka mga bag-ong lokal nga kaso, 25 ang mga local index nga mga kaso, 19 ang mga local cases with link, lima ang mga lokal nga authorized persons outside residence (Apors), duha ang mga Apors with link, ug duha ang mga persons deprived of liberty (PDLs).
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 10,549.
Ang Cagayan de Oro adunay 1,014 ka mga active cases, 328 niini na-admit sa Northern Mindanao Medical Center ug uban pang mga ospital sa syudad, ug 686 ang mga outpatients.
Ang ihap sa mga namatay sa Covid-19 sa syudad anaa na sa 496.