SUPERBALITA CEBU

Barok ‘tag-iya’ sa drugs sa buy-bust

Hulagway kuha ni Amper Campaña

ILLEGAL drugs nga nasakmit sa kapulisan sa buy-bust sa South Road Properties (SRP) sa Barangay Mambaling, Dakbayan sa Sugbo iya ni Alvaro “Barok” Alvaro, giisip nga labing dako nga drug lord sa Sugbo.

Matod ni Police Major Alejandro Batobalonos, deputy chief sa Police Drug Enforcement Group (PDEG) sa Superbalita Cebu, nga aduna silay impormasyon nga nasagap nga ang nakuha nila nga shabu iya ni Barok nga gi-supply kaniya sa grupong Bilibid 19.

Dugang ni Batobalonos nga moabot ngadto sa unom ka kilo ang gipadala gikan sa supplier niini sa Manila alang kang Barok. apan ang usa ka kilo ug tunga na dispose na.

Atol sa buy-bust, nakapalit sila og usa ka kilo ang mga pulis samtang ang laing 3.5 kilo didto na nakuha sa sakyanan nga gigamit nila ni Ryan Bendibel, 30, taga Poblacion, Tabuelan ug John Kerlou Pojas, 22, taga sitio Fatima, Barangay Pusok, Siyudad sa Lapu-Lapu.

Ang drugas mobalor tanan og P30.6 milyunes.

“Among gi conducan og lawom nga imbestigasyon ug among gituki kay naa man gud mi nakuha nga info nga katong butang ni Ryan kang Barok daw to,” matod ni Batobalonos.

Matod ni Batobalonos nga bisan kon nabilanggo si Barok kaniadto sa Cebu Provincial Detention and Rehabilitation Center (CPDRC), nagpadayon ang iyang negusyo sa illegal drugs.

Si Batobalonos nihulagway kanila ni Bendibel ug Pojas nga bigtime drug player.

Ang sakyanan nga ilang gigamit giabangan nila kini sa usa ka rent-a-car nga nahimutang sa AS Fortuna, Siyudad sa Mandaue sulod na sa kapin usa ka semana.

Adunay resibo nga ilang nakita nga giabangan ni Benbidel ang sakyanan og P30,000 nga ilang gisugdan sa paggamit niadtong Hunyo 30, 2021.

NBP tinubdan

Samtang gikan sa usa ka big time drug lord nga nabilanggo sa New Bilibid Prisons ug sakop Bilibid 19 ang shabu nga nakuha sa mga sakop sa PDEG 7 nga giabagan sa kapulisan sa siyudad sa Sugbo, Philippine Drug Enforcement Agency 7 ug sa PNP Higway Patrol Group.

Matod sa usa sa mga opisyal sa PDEG sa Camp Crame nga ang big time drug lord nisuporta kaniadto sa kandidatura sa usa ka politiko sa nasud.

Bisan naa sa sulod sa bilangoan nagpadayon gihapon ang iyang illegal nga negosyo.

Matod ni Police Lieutenant Colonel Regino Maramag, hepe sa PDEG 7, nga sila si Pojas ug Bendibel pulos kanhi binilanggo.

Si Pojas napriso sa Abuyog Penal Farm sa kasong murder diin didto niya nahigala ang usa sa mga drug personality nga nahimong right hand sa usa ka big time drug lord sa NBP.

“Yan si Kerlou nakulong yan sa Abuyog penal farm (Leyte) for the crime of murder may pinatay siya sa Bohol, doon sa Abuyog siya nakulong. Doon niya nakilala yung taga Bilibid,” matod ni Maramag.

Samtang si Bendibel nabilanggo na usab sa dakbayan sa Danao sa kaso sa pagpamaligya sa illegal nga drugas niadtong 2016 apan nakagawas tungod sa plea bargaining agreement.

Nagkaila ang duha gumikan kay pulos sila tawo ni Barok diin sila matod pa ang hitman niini.

Package gyud

Naabot ang package sa bodega sa cargo company niadtong Lunes, Hulyo 5 ug pagka Hulyo 6, gikuha kini ni Kerlo kay naka consign kini kaniya.

Sa pag hiling sa mga operatiba dili mailhan nga illegal nga drugas ang naa sa sulod sa carton sanglit gipaibabwan kinig tissue paper ug diapers.

Didto sa ilawom niini ang mga binulto nga gituohang shabu nga motimbang ang matag putos og 100 grams.

Gituohan nga gibahin na kini daan tungod kay aduna na silay target nga hagbongan sa mga butang.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!