SUPERBALITA CEBU

Mananagat: Ihunong ang recla; Alegado: Mga programa andam na

Nabalaka ang mga mananagat sa Barangay Tayud, lungsod sa Consolacion, amihanang Sugbo nga mawad-an sila og panginabuhian kon sugdan na ang pagtrabaho sa 234 hektaryang reclamation project.

Kon mawagtangan sila og panginabuhian, wa sila masayod kon duna bay alternatibo ang 200 ka mga mananagat nga nanginabuhi sa kadagatan.

Busa, ang Barangay Tayud Fisherfolk Organization, nga nagrepresentar sa 75 ka mga panimalay, nanawagan sa kagamhanan sa pagpahunong sa reclamation project sa La Consolacion Seafront Development Corporation kay magguba kini sa ilang panginabuhian.

Uban kanila mga 20 ka tuig nang nanginabuhi ug nagsalig sa mga kuha gikan sa kadagatan sa lungsod.

“The reclamation project will lead to around 200 fisherfolks losing their only source of livelihood, and the project does not even provide a plan on how they can get new jobs. Most of us have lived here for more than 20 years already, and the reclamation project does not propose a plan on how we can be relocated,” matod ni BTFO president Annabella Pomento.

Sa Barangay Tayud, labing minos 25 porsyento sa populasyon nagsalig sa shipyards alang sa ilang panginabuhian.

Apan giingong pipila ka mga shipyard nanirado tungod sa wa pag renew sa ilang business permits.

Tungod niini, dunay uban kanila nga nangitag trabaho sama sa construction work, apan dunay uban nga wa pa makakita.

“Given these multiple concerns, it is concerning that the Cebu Reclamation Authority has not intervened yet to investigate the project. Should this reclamation project be approved one day, then the Cebu Reclamation Authority must be blamed for causing thousands of Filipinos no longer being able to feed their families,” dugang ni Pomento.

Ang kapunongan nihangop sa hukom ni Judge Allan Francisco Garciano sa pagpugong sa suway nga pagpasirado ni Mayor Joannes Alegado human ni expire ang ilang business permit sa Hunyo 30, 2021.

DUNAY PANGINABUHIAN

Si Mayor Alegado, sa iyang bahin, nisulti sa Superbalita Cebu nga ang lokal nga kagamhanan dunay giandam nga panginabuhian di lang sa mga mananagat, kundi, apil na ang informal settlers.

Ilang gitagbo ang tanang mga mananagat ug informal settlers nga apektado sa proyekto aron pasabton sa dala nga kaayuhan nini.

Gawas nga duna silay ihatag nga kabalhinan ug kapuy-an sa apektadong mga lumolupyo, duna silay financial assistance nga giandam.

“Yes we have prepared a program for them. There is a resettlement/relocation/tenement complex for them. A financial aid and assistance for their relocation,” matod sa mayor sa iyang mensahe sa Superbalita Cebu.

Gamay na lang sab ang mga mananagat nga nagpadayon sa ilang panginabuhian kay ang uban nga ilang mga sumosunod nangita og laing tinubdan sa panginabuhian.

Ang mga mananagat wa na usab mangisda duol sa kabaybayunan, kon di nagpalawod.

“At present our few remaining fishermen which is already depleting in numbers (their descendants or the new generation are already employed in other industries/fields) are practically fishing in the deep and open seas outside the area or far areas since our foreshore no longer have an abundant marine life. These has been destroyed by the shipyard operations,” nagkanayon si Alegado.

Iya usab nga gitanyagan og mga ekipo ang mga mananagat nga ilang magamit sa pagpanagat sa lawod.

“I also offered them deep sea equipments/vessel if they still want to continue fishing and a communal fishpond in a nearby area as well.” matod sa mayor.

Gipaneguro sa mayor nga way bisan usa ka mananagat ug informal settlers nga pasagdan sa administrasyon ug anam-anam usab ang pagpatuman sa proyekto./REV, gikan sa PR

“The LGU will be with this informal settlers and few fishermen every step of the way. The project will be implemented phase by phase. There will be no displacement that will happen since they will be part of the development.”

Iyang gibana-bana nga sa unang phase pa lang, duna nay 10,000 ka mga trabaho ang mamugna ug iyang seguruon nga labing minos 60 porsyento niini mahiadto sa mga taga Consolacion.

Niawhag ang mayor sa mga lumolupyo nga di magpadala sa mga hulhog, labina sa mga adunahan nga ang kaugalingong interest lang ang gilantaw. (REV, gikan sa PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph