SIKOP sa Baliok Police Station sa Davao City Police Office ang gikonsiderang Top 1 Most Wanted sa Davao atol sa buy-bust operation niadtong Biyernes sa buntag, Hulyo 9, 2021.
Giila ang suspek nga si Glenn Magaipo alyas Taba, hamtong ang pangedaron, ug nagpuyo Barangay Baliok, Talomo District.
Daghang pakite sa gituohang shabu nga dunay street value nga P20,000 ang nakuha sa posisyon sa dinakpan ingon man mga paraphernalia.
Suma sa kapulisan sa Baliok police nga dugay na nilang gipanubayan ang ilegal nga lihok sa suspek human anaa ang pangalan niini sa drugs watchlist sa kapulisan sa pagpayuhot niini og ilegal nga druga.
Kasong paglapas sa Republic Act 9165 kun Comprehensive Dangerous Drugs Act of 2002 ang atubangon nga kaso sa suspek didto sa korte. (Jeepy P. Compio)