GIKUSTODIYA sa Hagonoy Municipal Police Station (HMPS) ang upat ka mga bora-bora nga motor nga maoy gigamit sa drag race sa National Highway sa Hagonoy, Davao del Sur buntag niadtong Sabado, Hulyo 10, 2021.
Suma sa HMPS nga nagkadaiyang kalapasan ang giatubang sa tag-iya sa upat ka motorsiklo dihang nasayran nga walay rehistro ug plaka ilang motor hinungdan nga gipang-isyuhan sila og Temporary Operator's Permit.
Nasayran nga resulta kini sa sumbong sa mga nagpakabanang residente sa lugar.
Hugot nga gibawal sa kapulisan ang pag-drag race gumikan posible kining moresulta sa aksidente ug makaangin pa sa ubang tawo. (Jeepy P. Compio)