SECTIONS
Superbalita Cebu
Saturday, September 25, 2021
SUPERBALITA CEBU

Kompleto sa bakuna libre na nga makasulod-gawas sa Ormoc City

Ormoc City - Nipagawas og kamanduan si Ormoc City Mayor Richard Gomez alang sa mga fully-vaccinated nga mga tawo nga kompleto na sa bakuna sa Covid-19 nga gawasnon nang makasulod sa dakbayan.

Base sa Executive Order 185-A ni Gomez, ang bisan kinsa nga mga fully-vaccinated o kadtong kaduha na gitupokan sa bakuna, dili na pangitaan og negatibong resulta sa Covid-19 test.

Gikinahanglan lang nga ipakita ang vaccination card ug QR code sa Ormoc.

Matod sa mayor, nahisubay sa bag-ong lagda sa Inter-Agency Task Force (IATF) ang iyang uwahi nga kamanduan.

Nalatid usab sa kamanduan sa mayor, ang bisan kinsa nga moabot sa pantalan ug airport nga dili pa fully-vaccinated, kinahanglan mopakita og negative sa swab test, rapid antigen o saliva test inig-abot sa pier.

Dapat adto magpa-test sa lugar nga gigikanan ug 72 hours ang effectivity. Magsugod ang 72 hours sa oras sa pagpa-test ug dili sa paggawas sa resulta.

Giklaro usab sa kamanduan nga ang mga taga Camotes Island nga mosulod sa Ormoc, pwede ra health certificate ang ipakita sa pier o sa dunggoan kay wala may mo-swab, rapid ug saliva test sa Camotes.

MGA UTLANAN

Nalatid usab sa kamanduan ni Gomez nga ang bisan kinsa nga mogawas sa Ormoc kinahanglan ma-scan ang QR code ug dili molapas og 20 ka adlaw sa lugar nga iyang adtoan gikan sa iyang pagbiya sa Ormoc.

Kon molapas siya og 20 ka adlaw sa lugar nga iyang adtoan, magpakita na siya og negative swab, rapid o saliva test pag-abot sa land border sa Ormoc.

“Pag-exit nimo, i-scan na imo QR code. Then pagbalik nimo sa Ormoc, mo-red flag na sa ato scanner kon nalapas ka og 20 ka adlaw gikan sa imong paggawas, dapat magpakita naka og negative test kay na-inactive naman ka,” matod sa mayor

Apan kon dili molapas sa 20 ka adlaw, QR code lang ang ipakita sa land borders.

Gitugotan na sab nga makagawas gawas ang senior citizens nga fully-vaccinated basta dala lang nila kanunay ang ilang vaccination card.

Gisaka na usab sa 50 porsiyento ang capacity sa meetings, dine in, salon ug salosalo sa mga panimalay.

Sirado pa gihapon ang mga club, karaoke bar, bars, teatro, sabongan (gawas lang kon gamiton sa E-sabong ug dapat dunay permit sa Pagcor), kiddie rides, playground ug bawal pa sab ang contact sports.

Naa sa dul-an 10,000 ka mga tawo sa Ormoc ang nabakunahan na gamit ang mga bakuna nga Sinovac, AstraZeneca, Pfizer ug Sputnik nga gikan sa Covax facility.

Karong buwana, gilauman nga moabot sa Ormoc ang mga bakuna sa AstraZeneca nga gipalit mismo sa lokal nga kagamhanan sa Ormoc.

Matod ni Gomez, nagtuo siya nga daghang sobra nga bakuna ang Ormoc busa i-donate kini sa mga lungsod nga nagkuwang ang bakuna.

Gipaningkamutan usab sa siyudad nga makab-ot ang herd immunity sa di pa mahuman ang 2021. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!