SECTIONS
Superbalita Davao
Saturday, September 18, 2021
SUPERBALITA DAVAO

Roldan: HNP nasyonal na?

Nota Bene

GAWAS sa Covid-19, ang politika ang nag-unang isyu ang gisumsuman sa Pinoy. Maayo na lang sab nga naay laing gina-istoryahan kay kapuy ug puol na kaayo paminawon ang balita kabahin sa pandemiya.

Anaa na man ang bakuna busa maningkamot ta nga moabot na ang "herd immunity" nga buot ipasabot mahimong ordinaryo na lang ang coronavirus nga sama sa kasarangang sakit nga flu, pulmonya ug uban pa.

Ang pinakainit karon nga balita mao ang bangi sulod sa PDP-Laban tali sa paksiyon nila ni Senador Manny Pacquiao ug Koko Pimentel ug President Rody Duterte ug Sec. Alfonso Cusi.

Hulaton na lang nato ang resulta sa ilang National Assembly sa July 17 kung kinsang mga ulo ang moligid.

Init sab ang balita nga modagan na gayud kuno si Mayor Inday Sara Duterte-Carpio pagka-presidente karong umaabot nga bugnong lugaynon sa 2022.

Ang wala pa masayri kung kinsa ang iyang ka-tandem ug kinsa ang manok sa oposisyon. Naa nay nangguwang mga pangalan apan kining tanan gitimplada pa ug hayan sa Oktubre 2021 nato mahibal-i ang tanan.

Gibalitang nagsuroy-suroy na sila si Senate President Tito Sotto ug Senador Ping Lacson sa tibuok Pilipinas aron pulsohan ang madlang pipol sa ilang plano.

Dinhi sa lokal, init ang balita nga himuon nang nasudnong politikanhong partido ang Hugpong ng Pagbabago (HNP) ni Mayor Inday.

Kahibalo kita nga "regional party" lang kini busa nagplano kining magpa-akredit na sa Comelec kay hangtud sa Agosto 2021 na lang ang pagsumite nila og "sworn information update status" (Sius) subay sa Comelec Resolution 10695.

Dakong posibilidad nga kini ang nasudnong partido nga sakyan ni Mayor Inday sa iyang pagdagan unya. Matud ni USec Benito Ranque nga "lead convenor" sa Mayor Sara Duterte Alliance (Masada) nga mahimong "unifying candidate" si Mayor Inday tungod kay segurado siyang sagupon isip "standard bearer" o "guest candidate" sa mga karaan na nga partido.

Ato nang nasayran nga walay plano si Mayor Inday nga moapil sa PDP-Laban sa iyang amahan bisan kung mao kini ang pinakakusgan nga partido ug bisan wala pa kining problema karon.

Niadtong 2019, moabot og pito ka partido ang nikuyog sa HNP. Apil niini ang PDP Laban, Partido ng Masang Pilipino, Nationalista Party, National People's Coalition, National Unity Party, Lakas-CMD ug ang People's Reform Party.

Dakong bintaha nga dunay nasudnong partido ang modagan pagka-presidente aron di na problema niini ang pagkampanya unya.

Usa sa resikitos sa Commision on Elections (Comelec) kay kinahanglang naay mga opisyales ug miyembro ang partido sa halos tanang rehiyon sa nasud.

Kung sa Rehiyon 11 (Davao Region) lang ang HNP, kinahanglang magpakita kini'g pruweba nga anaa kini sa 13 pa ka rehiyon sa nasud.

Ang pangutana sa kadaghanan kung makaya pang mabuhat kini sa HNP ilabi na nga duol na ang Agosto 15 nga "deadline" sa Comelec?

Hinuon, kung dut-an kini ni Mayor Sara posibleng madayon kini. Nangutana sab ang PDP-Laban kung kinsa ang ilang dal-on pagka-presidente kay interesado si Sen. Pacquiao nga modagan ug gipaluwat niini sila si Sec. Cusi kay mosuporta daw sa dili taga-PDP sama ni Mayor Sara.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph