MALALAG, Davao del Sur - Sikop sa Malalag Municipal Police Station ang usa ka lalaki nga nagsugal sa Sitio Taguicon, Barangay New Baclayon, Malalag, Davao del Sur Dominggo sa buntag, Hulyo 11, 2021.
Nadakpan si Arnie Salvilla human siya gibiyaan sa iyang mga kaubanang nagsugal.
Nasayran nga perteng karatil og panagan sa mga lalaki nga kauban sa dinakpan dihang nagsingabot na ang mga pulis.
Sumala sa Malalag Police, gisumbong sa usa ka concerned citizen ang pagtari-tari sa lugar hinungdan nga girespondehan kini sa kapulisan.
Narekober sa lugar ang bato nga gigamit sa hantak, usa ka manok panabong ug mga tsinelas.
Napriso na sa Malalag Police si Salvilla ug gihikay na ang kaso niining Illegal Gambling ug paglapas sa health protocol ubos sa MECQ. (Jeepy P. Compio)