NAGLAUM si Mayor Sara Duterte-Carpio nga ang Siyudad sa Davao matapos na gikan sa modified enhanced community quarantine (MECQ) status sa Hulyo 15 gumikan sa pagkubos na sa mga aktibong mga kaso sa Covid-19.
Gisulti ni Duterte-Carpio sa paghinabi kaniya sa 87.5 FM Davao City Disaster Radio kagahapon, Lunes, Hulyo 12, nga bisan og gisalig nila ang quarantine status sa dakbayan sa desisyon sa Inter-Agency Task Force for the Management of Emerging Infectious Diseases (IATF), naglaum ang mayor nga ang MECQ status di na lugwayan.
Tataw sa mayor nga ang national IATF dunay parametro aron nga madeterminar ang quarantine classification sa usa ka lokalidad base sa case data.
Gilauman nga ang IATF mopahibawo na sa katikaran sa quarantine status sa dakbayan una ang Hulyo 15.
Samtang nagpaabot sa pahibawo, si Duterte-Carpio nagkanayon nga ang siyudad naghuwat sab sa posibleng pagkambyo ngadto sa general community quarantine (GCQ).
Base sa datus sa Department of Health-Davao Region (DOH-Davao) sukad Hulyo 11, ang mga aktibong kaso sa siyudad anaa sa 3,203.
Niadtong Hunyo, ang Davao City miabot og 5,000 nga aktibong kaso, ang pinakataas nga ihap sukad miigo ang pandemya sa siyudad niadtong Marso 2020.
Sumala sa mayor nga daghang naingnan sa padayong pagkubos sa mga aktibong kaso dinhi sa dakbayan.
Tataw niya nga mahimong na-attribute kini sa paspas nga contact tracing, nga miresulta sa dinalian nga isolation sa mga closed contacts.
Mahimo sab matud pa ang tungod kini sa "life cycle" sa kagaw.
"If you can remember, four month ta nag-surge last time. Naa na ta sa two months karon mag-three month na ang atoang surge, and maybe it’s the effect of the vaccination," tin-aw sa mayor.
"Basta ang tan-awon lang nato atoang experience last year, ing-ana gyud siya. There are about three to four months na magbaba ang cases, then three to four months na magsaka ang cases, then three to four months magbaba na pud ang cases," dugang pa niya.
Mahimo sab nga tungod kini sa pagtuman sa kamandoan nga mopuyo sa balay ug mogawas lang kon esensiyal ang tumong, samtang mga trabahante nagsagop sa "work from home" scheme, ug mga kompaniya nagpatuman og alternatibong work arrangement sulod sa ilang mga buhatan.