SUPERBALITA CEBU

Gilas nagplanong moduwa sa PBA isip guest squad

Nagpabiling abli ang posibilidad nga moduwa ang Gilas Pilipinas isip guest team sa 46th season sa Philippine Basketball Association (PBA) isip tipik sa ilang preprasyon alang sa Fiba Asia Cup 2021.

Ang Gilas Pilipinas, nga gilangkuban og batan-ong mga magduduwa, gikan sa dalaygong kampanya sa 3rd window sa Fiba Asia Cup qualifiers diin gihurot nila pagdaog ang ilang tulo ka mga duwa, kaduha batok sa South Korea ug ka usa batok sa Indonesia.

Ningkombati sab ang Gilas Pilipinas sa Fiba Olympic Qualifying Tournament diin nakahatag sila og saktong kombati batok sa world No. 5 Serbia ug Dominican Republic.

Kagahapon, ang Gilas Pilipinas nakagawas na sa ilang quarantine hotel ug nangandam na alang sa ilang pagbalik sa training.

Ning puntoha, seryusong gikonsiderar sa Gilas Pilipinas ang pagduwa sa PBA aron mas mabaid pa ang katakos sa ilang puwersa.

“They need a little bit of away time with their family, but it can’t be much. We can’t let this break be adversarial to the preparation for the Asia Cup,” asoy ni Gilas Pilipinas program director and coach Tab Baldwin sa “Power and Play” program nga napatik sa www.pba.ph.

“They have to be ready to put the backpacks on and put their boots on, and go back to work. They will be, I’m sure of that.”

Taodtaod na nga nagplano ang Gilas Pilipinas nga moduwa sa PBA apan ning bag-uhay lang nalab-as kining maong plano ug mismong ang tsirman sa Samhang Basketbol ng Pilipinas (SBP) nga si Manny Pangilinan ang nipagawas ning maong ideya.

“When MVP speaks, we all perk up both ears, and make sure we absorb exactly what he says,” dugang ni Baldwin.

“I think the essence of what the boss is saying is we need games. And he’s absolutely right.” (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph