Negative RT-PCR pangitaon sa airport luyo sa IATF 124-B

File photo
File photo

PANGITAON gihapon pagtugpa sa Davao Airpot ang negative results sa RT-PCR test, kini bisan pa man nga nagmando ang Inter-Agency Task Force (IATF) nga puwede na nga dili, ugaling fully-vaccinated na ang usa ka pasahero.

Apan gitin-aw ni Davao City Mayor Sara Duterte nga pagbuot gihapon sa mga local government unit (LGU) kung sundon ba ang anaa sa 124-B sa IATF.

“Initially, nagsulti ang IATF na vaccine cards na ang gamiton then after two days I think nagsulti sila na they will leave it up to the LGUs so ang atoa is RT-PCR testing gihapon,” pagpatin-aw ni Duterte-Carpio.

Sumala sa mayor nga bisan og natapos na sa usa ka indibiduwal ang iyang bakuna kontra Covid-19, mamahimo gihapon kining carrier sa virus.

Gawas niini, ginahimo na sab ang Test Before Travel Ordinance sa siyudad, diin ilawom sa maong ordinansa dili mamahimong mogawas sa Davao Airport ang usa ka indibiduwal nga walay mapakitang RT-PCR test results.

Ang pipila ka mga LGU sa nasud, mipatuman sa mando sa IATF, apan kadto lamang mga lugar nga ubos kaayo ang kaso sa Covid-19. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph