NANGUNA ang Barangay Lasang sa Bunawan District sa Davao City nga nagpahigayon og household-tagging ug mapping sa mga panimalay sa ilang mga residente
Kini gihimo aron nga mailhan ug mahibal-an kinsa ang mga nabakunahan na ug wala magpabakuna.
Nag-andam og 1,000 ka mga stickers ang Barangay Council nga maoy gamiton nga ipangpilit sa mga balay, butangan og pangalan ug check kon naka first dose ug second dose na.
"We are striving to make any ways, aside from the consistent public information, to encourage residents to avail of the vaccination program," sigun ni Barangay Lasang Kapitan Allan Simo-ag.
Subay sa report, gisugdan kini sa paghimo niadtong Hulyo 8, 2021 diin dunay 274 na ka mga balay ang nabutangan subay sa ulahing ihap sa Barangay Council.
Ang household-tagging ug mapping inisyatibo sa Barangay Lasang aron ma-engganyo ang ubang mga residente nga magpabakuna kontra Covid-19.
Base sa latest risk assessment sa Davao City Government, anaa sa moderate risk for Covid-19 infection ang Barangay Lasang. (Jeepy P. Compio