GIINGONG gikan sa generator ang pagsugod sa kalayo dihang gipaandar kini kay nag-brownout sa dapit.
Kini ang migula sa inisyal nga imbestigasyon sa kabomberohan sa pagkaugdaw sa usa ka dakong balay sa Las Terrazas, Barangay Maa, Davao City pasado alas 8 kagahapon sa buntag.
Sa inisyal nga impormasyon, nagsugod sa second floor sa maong balay ang pag-ulbo sa kalayo.
Patay sab ang binuhing mga iro sa pamilya nga nanag-iya sa maong balay.
Sumala ni Senior Fire Officer 3 Ramil Gillado sa Davao City Fire District, padayon ang ilang gihimong imbestigasyon sa hitabo.
Wala pa sab masayri pila ang damyos sa maong sunog. (Jeepy P. Compio)