Pinoy referee moapil sa Tokyo Olympics

Human napakyas pag-officiate sa niaging Fiba Olympic Qualifying Tournament, usa ka international Filipino referee ang madestino sa Tokyo Olympics.

Siya si Bong Pascual, chief officiating sa Philippine Basketball Association (PBA) kinsa gikatakdang mobiya sa nasod karong Hulyo 22 aron mopaingon sa Tokyo.

Kini ang gipadayag ni Pascual human sa gipahigayon nga inspection sa PBA didto sa Ynares gym para sa ilang 46th PBA season.

Kini maoy ikaduhang sunodsunod nga pag-serve ni Pascual human niadtong 2016 Olympic didto sa Rio De Janeiro sa Brazil.

Si Pascual nagtuo nga dili na siya maapil sa Tokyo Games human siya wala matawagi sa Fiba quarterfinals didto sa Canada sanglit nag-false positive siya sa swab test sa wala pa siya makabiya sa nasod.

Bisan kon mahimo pa unta siyang makabiya sa nasod, ang Fiba niingon kaniya nga magpabilin nalang sa nasod.

“Ang alam ko wala na kasi pagkaka-intindi ko once na hindi ka nakatawag sa OQT, di ka na rin nila papapuntahin sa Olympics,” Matod sa 50 anyos nga si Pascual.

Apan niining bag-o, nasurprisa siya gumikan sa notisya nga iyang nadawat gikan sa FIBA.

“Sabi nila naiintindihan naman nila yung sitwasyon ngayon, na this is a challenging time, kaya nabigyan tayo ng second chance, another opportunity,” Dugang sa PBA chief officiating referee. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph