Ciar: Loyalty check sa ABS-CBN starts

PIOLO PASCUAL / Instagram
PIOLO PASCUAL / Instagram

Sa miaging mga buwan mao na tingali ang pinakadaghan nga binalhinay og laing network ang atong nasaksihan sa kasaysayan sa Philippine showbiz ug morag wala pa ni kahumanan usa katuig human gibasura sa Kongreso ang renewal sa prangkisa sa ABS-CBN.

Ang pagbiya sa mga homegrown talent dili lang shocking sa ubang Kapamilya fans apan nakapasakit usab og daghang balatian kay taliwa sa giatubang nga krisis sa ilang mother studio mas gipili pa hinuon nilang mobiya kaysa unongan ang estasyon nga maoy nakapaadunahan ug nakapasikat nila nga naa pa man unta silay mga existing show ug wa man sila pasagdi.

Kinsa pa kaha ang posibleng mobalhin sa umaabot pang mga adlaw nia ang atong loyalty check sa mga Kapamilya star base sa ilang mga pamahayag. Apan matod pa lagi, “action speaks louder than words.” Mas maayong kamo na lay judge kon asa gyud ang loyalty ani nila.

SARAH GERONIMO

Sukad niadtong November wa na mobalik si Sarah G sa “Asap.” Daghan sad ang nakurat ngano ang iyang online concert nga “Tala” sa GMA Pinoy TV nag-premiere. Sa miaging tuig nag-trending sad ang wa niya pagtingog sa isyu sa prangkisa. Apan niadtong Dominggo surpresang nigawas si Sarah sa audio visual presentation sa Asap Natin ‘To atol sa “Kapamilya Forever Day” aron ipakita nga Kapamilya pa gihapon siya.

PIOLO PASCUAL

Usa usab si Piolo sa mideklarar sa iyang solidarity sa ABS-CBN atol sa audio visual presentation sa Asap Natin`To. Apan si Piolo kon mahinumdoman nibiya na sa Asap ug usa sa mga nangulo sa “Sunday Noontime Live” sa TV5 niadtong Oktubre nga gi-produced sa Brightlight Productions ubos sa direksyon ni kanhi Star Magic head ug karon Kapuso na nga si Johnny Manahan. Apan ang Sunday Noontime Live sa TV5 natsugi ra paglabay sa tulo ka buwan. Ang nabakanteng timeslot maoy giokupar karon sa Asap.

ANNE CURTIS

Si Anne Curtis ang pinakauwahing Kapamilya star nga nakig-virtual meeting sa mga bossing sa GMA nga gi-post pa ni GMA Pictures president Annette Gozon-Valdes sa iyang Instagram story. “Hahaha Yes. Kalma. They pitched a film for next year na hindi pa naman sure,” depensa sa aktres sa iyang Instagram post uban sa saad nga mobalik pa siya sa It’s Showtime.

“LIZQUEN”

Sa text message sa Superbalita Laysho, si Dudu Unay nga maoy nakadiskubre ni Liza Soberano mipasalig nga Kapamilya pa gihapon ang real-life couple nga si Liza ug Enrique Gil o “LizQuen.” Wa niya gi-deny nga daghang interesado sa LizQuen sama sa Viva, TV5 ug GMA apan sa pagkakaron mas prioridad gihapon nila ang ABS-CBN.

“KATHNIEL”

Ang real-life sweethearts Kathryn Bernardo ug Daniel Padilla o “KathNiel” ang usa sa Kapamilya stars nga lunod-patay ang suporta sa ABS-CBN. Si Kat namahayag nga miila sila og utang kabubut-on mao nga di sila mobiya samtang naa pa sa krisis ang estasyon. “Ito ‘yung way ko para pasalamatan ‘yung network sa kung ano ang meron ako ngayon. Lahat ng blessings na na-receive namin ni DJ (Daniel Padilla), dahil sa kumpanya.”

ANGEL LOCSIN

Usa si Angel Locsin sa mga wala na mo-renew sa ABS-CBN apan dili tungod sa isyu sa loyalty kundi tungod sa preparasyon sa umaabot niyang kasal. Nag-post sad ni og litrato sa mga empleyado sa ABS-CBN sa iyang Instagram diin tipik sa iyang caption nagkanayon: “These men will always be my family and I will stand by them.” Matod ni Angel nga dili siya kaako mobiya samtang naa pa ni sila sa kalisdanan.

KIM CHIU

Si Kim Chiu nisaad nga magpabiling Kapamilya sa kalipay man o kasakit. “Sasamahan ko kayo sa hirap man o ginhawa isang pamilya tayo. Walang iwanan,” tipik sa iyang Instagram post dihang ni-renew ni sa iyang kontrata. Kini bisan kon Kapuso na ang iyang boyfriend nga si Xian Lim.

OPM ICONS

Ang OPM icons powerhouse Kapamilya gihapon. Si Gary V ni-renew sa iyang kontrata niadto lang Pebrero. Silang Martin Nievera, ZsaZsa Padilla, Bamboo, ug magtiayong Regine Velasquez ug Ogie Alcasid regular gihapon sa Asap. Samtang si Lea Salonga busy sa iyang upcoming series of concerts sa California ug Canada.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph